Селекторот на женската ракометна селекција Ж17 го објави поширокиот список на ракометарки за претстојниот Европски олимписки младински фестивал Скопје 2025.

Нашиот стратег, Даниела Новеска, која е назначена за нов селектор на кадетската репрезентација на Македонија, на поширокиот список ќе смета на 49 ракометарки на првиот собир, по што ќе има кратење и ќе се знае конечниот список на ракометарки кои ќе ја претставуваат Македонија на олимписките игри.

На поширокиот список се најдоа и ракометарки од Вардар. Повикани на првиот собир се: Симона Миноска, Ноели Ангелов, Драгана Тодороска, Сара Ристовска, Елена Балоска, Мила Ристовска, Мила Николоска, Ивана Трифуноска, Јована Павиќевиќ, Јана Стојанова и Мила Манева.

Нашата ракометна селекција е дел од групата Б заедно со селекциите на Исланд, Норвешка и Швајцарија.