Кадетките на ЖРК Вардар ја пречекаа екипата на Делчево и ја совладаа со убедливи 43:26 (22:13)

Натпревар против Делчево во кадетската лига го отворивме одлично по две минути ракомет водевме со погодокот на Трифуноска со 3-0. Од минута во минута избраничките на Даниела Вељаноска ја зголемуваа предноста. Некаде околу средината на првиот период со голот на Јанева Неда поведовме со плус шест, односно со 12-6. По одлична игра во одбраната и неколку одбрани на Ноели Ангелов успеавме да врземе три гола во серија за предност со резултат 15-6 по погодокот на Николовска Нина. Ривалот со два гола намали на 15-8, нашата клупа побара минута одмор. Со нова серија прв пат отидовме на двоцифрена предност при резултат 19-9 во 24.минута кога по контра погоди Грозданоска Марија. На одмор заминавме со комотни 22-13.

Вториот дел го отворивме како и првиот со наша доминација и серија 3-1. За почетни 25-14, повторно црвено-црните кадетки се вратија на двоцифрена предност и истата не ја испушти се до крајот. Целиот ростер настапи и одигра одлично на овој натпревар од кадетската лига. Победата дојде со резултат 43:26 на крајот. Одлични беа денес голманите Ангелов и Петровска, а пак Трифуноска стрелаше девет пати.

ВАРДАР: Петровска, Тодоровска Драгана 2, Стојанова 8, Ангелов Инес, Јанева 4, Ристовска Мила 4, Балоска 5, Павичевиќ 1, Стојков 1, Ангелов Ноели, Петровска, Ристовска Сара 6, Манева, Николовска 3 и Трифуноска 9.