Македонскиот селектор на женската кадетска репрезентација, Даниела Новеска, го објави списокот на ракометарки што ќе играат на Европскиот младински олимписки фестивал во Скопје.

Таа ќе смета на 15 ракометарки, колку што дозволуваат пропозициите на ова натпреварување. Тука се пет вардарки, четири членки на Ѓорче Петров 2, по една од Металург, Чаир, Металург Автокоманда, Пелистер, Стружанка и Деспина.Во стручниот штаб на Новеска се уште и асистентот Славиша Димитријески, како и Вероника Ѓорѓиевска.

Нашата репрезентација е во група со Исланд, Швајцарија и Норвешка, а сите свои натпревари од 21 до 26 јули ќе ги игра во СЦ „Јане Сандански“ со почеток во 16:00 часот.