Денес во првото пролетно коло, во дербито ЖРК Вардар гостуваше кај тимот на Чаир. Домаќинките дојдоа до победа со резултат 33-30 (15-13).
Првиот дел го започнавме лошо, ривалот поведе со 3-0, преку Трпевска од пенал ја прекинавме нивната низа. Домаќинот се одлепи на плус четири при резултат 9-5, но ние се сеземавме и се вративме во игра. Намаливме на само гол негатива при 10-9, кога погоди Коцева Бојана по еден соло-продор. Таа негатива ја имавме и на минута до крајот, не погодивме за реми. Домаќинот од пенал во финишот погоди за конечните 15-13 кои беа актуелни за време на паузата.
Во вториот дел постојано бевме околу два негатива и се обидувавме да ја анулираме се до 27-25. Ривалот со серија 3-1 во финишот се одлепи на недостижни 30-26 за нас. Дуелот заврши со резултат 33-30.
Вардар: Илиќ (13.одбрни), Ѓорѓиевска (1.одбана), Бојана Коцева 8, Борјана Коцева 2, Радевска 1, Трпевска 8, Попова 4, Стојчевска, Кимовска, Ивановска 3, Велјаноска 1, Тодоровска 2, Симоновска, Миленкоска 4, Милевска.