Отворивме на почетокот со два врзани погодоци на Миленкоска и Франгоска за почетни 0-2. Домашниот тим ја преполови нашата предност со погодок за 1-2, но веднаш со два гола Трифуноска донесе прв пат три плус при резултат 1-4. Во 10.минута имавме четири гола предност кога Миленкоска стрелаше за 2-4, по што домашниот тренер Јанев побара тајм-аут. Илинден успеа да влезе во серија и намали на еден гол во 16.минута, кога на семафорот беше 6-7 за црвено-црните младинки. Успеавме потоа да вратиме дел од позитива и на одмор заминавме со три плус, односно со резултат 11-14.

Во вториот дел влеговме фуриозно, од минута во минута разликата раснеше, бевме одлични во одбраната и нападот. Отидовме прв пат и на двоцифрена предност поведовме со 15-25. Се до крајот беше формалност, избраничките на Платон остварија нова победа, истата дојде со резултат 23-29. Миленкоска со 9 гола и Трифуноска со 7 беа најистакнати кај вардарки во офанзивата на денешниот младински натпревар.

Вардар: Хасановска, Соколовска, Франгоска 3, Смилевска 1, Бошковски, Тодоровски 2, Миленкоска 9, Трифуноска 7, Трпкова, Ангелов Ноели, Поповска, Ристовска 3, Јанева 2, Балоска 2, Стојанова и Николовска.