Денес во дуел од плеј-офот ја пречекаме екипата на Металург Автокоманда. На оваа средба ривалот победи со 30-32.

Натпреварот од плеј-офот започна рамноправно, двата тима погодија по четири пати во противничката мрежа за резултатска симетрија на семафорот, 4-4 во 7.минута. вардарки со две одбрани на Илиќ и погодоците на Тодоровска и Богоеска во 11.минута поведоа со 6-4. Ривалот со серија 0-4 го презема водството при резултат 6-8. До крајот на првиот дел се играше одличен и борбен ракомет, преки Тодоровска и Миленкоска не дозволивме да бидат зголемени тие два негатива со кои влеговме во последните 55.секунди. На одмор заминавме со само гол негатива, 12-13 на 12.секуни до крајот погоди Богоеска, а денес одличната Илиќ сопре удар упатен до звукот на сирената.

Во текот на вториот период на натпреварот во салата Круме Кепески повторно прикажавме добра игра, далеку поконкурентна во однос на првиот меѓусебен натпреварот со овој ривал во плеј-оф сегментот. Во вториот дел неколку пати се заканивме да направиме пресврт,сепак победата ја однесоа девојките во сино-белите дресови кои триумфираа со резултат 30-32. Кај нас на голот Илиќ одбрани два пенали и впиша дури 15.одбрани, Миленкоска имаше 10.гола, втор стрелец беше Богоеска со 7 погодоци.

Вардар: Трифуноска 3, Ј.Попова 2, Кимовска Ива 1, Тодоровска 3, Н.Попова, Илиќ 15.одбрани, Неделковска 2, Галачева, Голабоска, Велјаноска 1, Ѓорѓиевска, Богоеска 7, Франгоска, Миленкоска 10, Милевска 1, Ивана Кимовска