Кадетките на Вардар, денес како домаќини ја пречекаа екипата на ЖРК Овче Поле СУ и ја продолжија својата низа на победи. Со победата 39-12 остануваме лидери на табелата во нашата група.

Тргнавме офанзивно и на почетокот создадовме предност од три погодока при резултат 4-1 во седмата минута. Ривалот искористи едно наше исклучување се доближи на 4-3 и имаше напад за реми. Вардарки се одбранија и влегоа во серија, со две одбрани на Миноска Симона , голот од пенал на Мила Ристовска и двата погодоци од контра на Сара Ристовска отидовме прв пат на плус четири, при резултат 7-3 во 16.минута. Веќе немаше опасност за нашата предност, ние бевме тимот кој го контролираше дуелот. Веќе во 21.минута клупата на ривалот побара тајм-аут да го прекине нашиот силен налет, со головите на Тодоровска и Николовска ние поведовме прв пат со осум плус, на семафорот беше 12-4. Предноста во последената третина од првиот дел стана двоцифрена, на одмор замимавме со резултат 18-6.

Вториот дел не донесе ништо ново во однос на резултатската неизвесност, ние само ја зголемивме и така високата предност над гостинот од Свети Николе. Целиот ростер доби прилика и доминацијата продолжи, победата дојде со резултат од 27.гола позитива за избраниците на Даниела Вељаноска. На семафорот во салата Круме Кепески стоеше по 60.минути ракомет 39-12 за лидерот на табелата, црвено-црниот кадетски состав. Прв стрелец во нашиот тим со осум гола беше Сара Ристовска.

Вардар: Трифуноска 5, Стојанова 1, Балоска 3, Јанева, Павичевиќ 3, Ристовска Мила 6, Миноска, Гроздановска, Смилевска, Тодоровска 6, Николовска 4, Манева 2, Ристовска Сара 8, Атанасовска 1.