Пред нас се настапите на завршницата на најмасовното ракометно натпреварување во земјава, Купот на Република Македонија во ракомет, мажи и жени. Одлуката на ракометната федерација на земјава за форматот и термините позитивно беше примена во нашиот клуб.
Сакаме да ја пофалиме, поддржиме и да ставиме акцент на одличната идеја за овогодинешното издание на завршните турнири. После долги годони конечно ракометната федерација повторно направи одличен формат кој носи возбудливост, но и одмор за екипите. Одлуката да се играат во исти ден машки и женски натпревари го подобрува и го засилува интересот за Ф-4 турнирот. Потоа приликата да се има ден одмор пред финалните соочувања допринесува кон рамноправност на тимовите кои ќе излезат на мегданот за пехар. Сите комплименти за оваа одлука од нашиот црвено-црн тим до организаторот, РФМ. Нашето мислење го делат и останатите женски ракометни учесници, бидејќи вака се става акцент и на рамниправноста во спортот. Најголемата сала во земјата ќе биде „сведок“ на одличен завршен турнир, кој ќе донесе нови два шампиони во еден формат за кој се надеваме и повикуваме да се практикува и во иднина за ова натпрeварување.
Голема благодарност до машките екипи учесници за поддршката и разбирањето, со почит
ЖРК Вардар