Денес пионерките на Вардар гостуваа кај тимот на Младост 1977 во Богданци. Црвено-црните избранички на Даниела Вељаноска победија со резултат 14-22.

Ривалот поведе со два гола на почетокот, ние одговоривме со иста мерка за резултатска симетрија, 2-2. Од овој момент се до 7-7, постојано едниот тим поведуваше со гол предност, а другиот го враќааше резултат на реми. Тука ние со два врзани гола ја преземаме иницијативата и предноста, поведовме со 7-9. До крајот на првиот период на овој пионерски натпревар бевме тимот кој го контролира резултатот. На пауза заминавме со три плус односно со резултат 9-12.

За разлика од првиот дел, во вториот ние отворивме со два гола, со истите поведовме со комотни плус пет при резултат 9-14. Црвено-црните пионерки во вториот дел имаа целосна контрола на натпреварот, од минута во минута ја зголемивме предноста. Триумфот на ова гостување во салата “Млаз” дојде со резултат 14-22. На оваа средба со 8 гола се истакна Стефанија Петровска и Атанасовска Варвара со гол помалку, односно седум.

.Вардар: Петровска, Тутуревка, Николовска, Гроздановска 1, Атанасовска 7, Милошевска 1, Смилевска 3, Вељаноска, Вујовиќ, Мајнов 2, Тошевска, Херин, Петровска 8, Настевска и Петрушева.