Денес во рамки на 2.коло во женска младинска лига, црвено-црните дами гостуваа кај Скопје 2020. На еден занимлив натпревар дојдоа до победа девојките на Платон по одличен пресврт. Тие надополнија шест негатива и остварија победа со три плус, односно со резултат 25-28.

На почетокот домаќинот поведе со два гола, ние со погодок ја преполовивме негатива на 2-1. Кога се очекуваше да фатиме ритам домаќинот со серија 5-0 се одлепи на високи 7-1. По овој момент бевме тимот кој почна да доминира, полека од минута во минута ја топевме предност на ривалот. До крајот на првиот дел на секој нивни погодок одговаравме со двојна мерка. Скопје постигна шест гола во наша мрежа, ние постигнавме двојно повеќе па на пауза заминавме со резултатска симетрија, односно со резултат 13-13.

Во вториот период се играше цврст натпревар, постојано еден тим поведуваше со погодок, а другиот изедначуваше. Дури осум пати имаше реми резултат на семафорот се до 21-21. Тогаш врзуваме два гола во низа (21-23) и почнавме да ја контролираме средбата. Победивме со три гола позитива, односно со резултат 25-28. Кај нас Ристовска Мила со осум гола се истакна на оваа младинска средба.

Вардар: Хасановска 8.одб, Трпкова, Тодоровски Драгана, Соколовска 3, Јанева, Поповска, Балоска 2, Николовска, Франгоска 3, Ангелов, Божиновска, Смилевска 3, Дона Тодоровска 2, Миленкоска 3, Ристовска Мила 8, Трифуновска 4.