Вардарки во плеј-офот беа домаќини на Астибо од Штип. На една средба на која немавме проблем со доминацијата остварија нашите дами убедлива победа со резултат 43-21.

Вардар доминираше на стартот, на нашиот гол Галачева беше одлична, одбраната сигурна па влеговме во серија. Во деветата минута поведовме со шест плус, Јасмина Попова стрелаше за предност со 7-1. Ривалот погоди три пати по ред и ја преполови нашата предност со погодоците за 7-4. Брзо се вративме на плус шест, точно на половината на првиот дел од пенал Голабоска Марија стрелаше за 11-5 за црвено-црните. Во 26.минита нашата доминација донесе предност со двоцифрена разлика, по една контра најбрза беше Нина Попова, нашиот пикер стрелаше за предност 18-8 за избраничките на Платон. На пауза заминавме со резултат 20-9.

Вториот дел на оваа плеј-оф средба започна како што заврши првиот период со наша теренска доминација. На самиот почеток се одлепивме на 25-11. Платон даде шанса на пошироката клупа, сите девојки одиграа одлично и го задржиме ритамот на овој суперлигашки натпревар. Победивме со повеќе од дваесет погодоци, нашиот триумф дојде со резултат 43-21. На теренот во салата Круме Кепески, денес најистакната кај нас беше Галачева Марија со 19.одбрани. Богоеска Сара беше прв стрелец со 7 погодока.

Вардар: Илиќ, Трифуновска 4, Ј.Попова 1, Божиновска 4, Н.Попова 4, Неделковска 5, Галачева 19.одбр, Голабоска 1, Велјаноска, Ѓорѓиевска, Богоеска 7, Франгоска 4, Кимовска 2, Поповска 1, Миленкоска 4, Милевска 6.