Вардарки денес беа дел од натпреварот за „бронза“ на завршниот Ф-4 турнир кај пионерките. На оваа средба дојдовме до победа и 3.место по триумфот над Делчево со резултат 30-26.
На почетокот на натпреварот ние поведовме со 2-0, по неколку добри одбрани на голманот Ангелов и по пеналот на Мила Ристова во 3.минута. Делчево врза три гола и ја презема предноста, ние вративме со иста мерка и со погодоците на Дамјановска Сара и Тодоровска Драгана поведовме со 5-3.
Тимот од истокот на Македонија не се предаваше па успеа да ја врати резултатската симетрија на семафорот во Автокоманда кога изедначи на 7-7. Од овој момент па се до крајот на првиот период на ова мало финале се играше околу реми резултатот, па така и завршија првите 20.минути на овој натпревар. На одмор се замина со резултат 13-13, идентичен резултат со кој заминавме на полувреме и на утринското полуфинале на оваа завршница.
Во вториот дел двата тима отворија со по три гола и понатака беше реми, односно 16-16. Вардарки полека тргнаа на резултатски план да бидат во предност, тоа беше претежно со гол до два се до 23-21. Успеавме да заиграме подобро во одбраната и го направиме клучниот исчекор за бронза кога поведовме со четири гола при 27-23, по тој момент веќе се насетуваше нашиот успех. Мајсторски до крајот го доведовме дуелот до победа која дојде со резултат 30-26.
Вардар: Петровска, Гроздановска, Стојанова 3, Ангелов Инес, Јанева 3, Ристовска Мила 8, Здравковска, Дамјановска 4, Тошевска, Манева 2, Ангелов Ноели, Херин, Петровска, Тодоровска 5 и Ристова Сара.