Вардар убедлив кај Астибо

ЖРК Вардар денес гостуваше во 4.коло од Плеј-офот во Штип. На натпреварот против екипата на Астибо дојдовме до убедлива победа со резултат 20-33 (8-17).

На почетокот влеговме подобро во натпреварот од ривалот, поведовме со два гола повеќе, со погодоците на Миленкоска, Радевска и Тодоровска поведовме со 1-3. Домаќинот смогна сили и со иста серија дојде до резултатска симетрија при резултат 4-4, тоа беше прв и воедно последен пат да имаат поволен резултат на семафорот на оваа средба. Следеше брза серија 0-3, по која поведовме со 4-7. Нашата доминација на теренот од минута во минута беше поизразена постојано го наголемуваме водството па на пауза заминавме со високи девет гола позитива. На семафорот стоеше 8-17 за црвено-црните дами на Платон и Кузмановска.

Вториот период на дуелот против Астибо кој се играше во салата “Тошо Арсов” во Штип започна со головите на Попова Јасмина, Неделковска и Миленкоска по кои поведовме по само 4.минути со двоцифрена предност, 8-20. Од тој момент па се до последната судиска свирка во 60.минута имавме двоцифрена предност над штипјанка. Платон во игра уфрли цел девојки од целиот ростер, ритамот остана исти, победата дојде со 13 гола повеќе. Првиот триумфот во плеј-офот го остваривме со резултат 20-33. Кај нас голманот Вероника Ѓорѓиевска беше двоцифрена на оваа средба, највеќе голови имаа Миленкоска и Попова Јасмина.

Вардар: Илиќ 6.одбрани, Кимовска Ивона 1, Тодоровска 4, Божиновска 1, Јасмина Попова 5, Неделковска 4, Нина Попова 4, Голабоска 2, Велјаноска 1, Радевска 3, Поповска, Миленкоска 6, Ѓорѓиевска 11.одбрани, Милевска 2 и Соколовска и Богоеска 1.