Пионерките се поразени на натпревар од 2.коло во првенството, од екипата на Металург која вечерва славеше во салата “Круме Кепески“ со резултат 11:21 (6:10).

Младите вардарки први го отворија резултатот на овој натпревар со голот на Миа Милошевска, за екипата на Металург да сврзе два гола и да поведе со 1:2. Последната наша предност беше при резултат 3:2, по што противникот со серија од 1:4 се одлепи на водство од 4:6.

Ние намаливме преку Атанасовска, но до крајот на првиот дел, Металург влезе во серија и на кратка пауза се замина со водство на гостинките од 6:10.

Двете екипи имаа расположени голмани, кај се истакна Михаела Петровска. Металург денес се покажа како подобар противник кој во вториот дел стигна и до двоцифрена предност.

Вардар: М.Петровска, Стамчевска, Николовска, Гроздановска 3, Атанасовска 3, Милошевска 1, Смилевска, И.Вељаноска, Мајнов, Тошевска, Херин 1, С.Петровска 2, Маневска, А.Вељаноска, Настеска 1, Петрушева.