Кадетките со победа го отворија пролетниот дел од сезонава, откако вечерва славеа на гостувањето кај екипата на Делчево со резултат 22:31 (11:15)
Натпреварот започна со погодок на домашниот тим, што се покажа како единствено водство на противникот на овој натпревар. Следеше серија на вардарки, со која се стекнаа со предност од 2:6, разлика од четири гола која истата гласеше и на полувреме. На моменти, Делчево се доближуваше резултатски кога намалуваше на два гола, на пет минути пред крајот беше и 10:11, но избраничките на Папуџиева имаа фуриозен финиш на првиот дел, кога на одмор заминаа со водство од 11:15.
Неизвесноста траеше до некаде 35.минута кога последен пат, Делчево се закани на нашата предност, намалувајќи на 15:17, за разиграните вардарки да направат серија од 1:5 и да се одлепат на највисоки 16:22. Набргу стигна и двоцифрената предност од 19:29, а последните пет минити од натпреварот беа рутина за нашите кадетки кои на најдобар можен начин го отворија вториот дел од сезоната.
Леона Миленкоска беше наша најефикасна ракометарка со 8 погодоци, додека Дона Тодоровска запиша 7 голови.
ЖРК Вардар: Хасаноска, Трпкова 1, Деметра Франгоска 2, Божиновска 5, Јанева, Дамјановска, М.Ристовска 2, Дона Тодоровска 7, Драгана Тодоровска, Шехтанска 1, Смилевска, Петрова, Поповска 1, Миленкоска 8, Ѓорѓиева, Соколовска 3.