Пораз на гостувањето кај ЖРК Чаир

Вардарки се поразени на натпревар од 10.плеј-оф коло, на гостувањето кај екипата на ЖРК Чаир. Конечниот резултат гласеше 37:31.
Натпреварот со погодок го отвори домашната екипа, за нашиот состав преку Јасмина Попова и Ивана Трифуноска после 4.минути игра да поведе со 1:2. Вардарки до 10.минута беа во предност на овој натпревар, со головите на Велјаноска и Миленкоска поведовме со 2:4, додека во 10 минута со нов гол на Велјаноска имавме водство од 3:5. Екипата на Чаир успеа во 13 минута да го израмни резултатот, а во 18 минута преку Трифуноска повторно го вративме водството. Период во кој не успеавме да реализираме два седмерци, сепак со голот на Милевска во 20 минута го израмнивме резултатот на 8:8. Домаќинот за прв пат на овој меч, поведе со 10:8 во 22 минута, за Трифуноска да намали на 10:9. Следеше период од повеќе од 40 минути кога имаше прекин на натпреварот, поради прокиснување во салата, а долгата пауза, подобро ја искористи домашната екипа, која до истекот на првите 30 минути се стекна со водство од 17:13.
Вториот дел со гол го отвори Трифуноска за намалување на 17:14. Следеше период во кој се играше гол за гол на двете страни, се играше 39 минута кога Богојеска погоди за резултат 21:18, за Голабоска од седум метри да намали на 22:20. Следеа минути кога Чаир се одлепи на највисоки 30:23 во 48 минута од натпреварот. Благодарение на неколку одбрани на Ѓорѓиевска и со погодокот на Милевска, успеавме да направиме серија од 0:5 и да намалиме на 37:31, што беше и конечен резултат на натпреварот.
Вардар: Ивана Трифуноска 6, Јасмина Попова 3, Бојана Божиновска, Нина Попова 2, Нина Неделковска, Марија Галачева, Марија Голабоска 3, Михаела Велјаноска 2, Андреа Илиќ 4одбр, Сара Богојеска 3, Леона Деметра Франгоска, Ива Кимовска, Јана Поповска, Леона Миленкоска 6, Вероника Ѓорѓиевска 3 одб. и Нина Милевска 6.