Вардар поразен на гостувањето кај ЖРК Куманово

Вардарки се поразени на натпреварот од 6.плеј-оф коло на гостувањето кај екипата на ЖРК Куманово. Натпреварот кој се одигра во салата „Перо Наков“ заврши во корист на домашниот тим кој славеше триумф со резултат 26:22 (14:8).

Натпреварот со гол го отвори Ива Кимовска за наша почетна предност. Во првите шест минути се играше гол за гол на двете страни, до резултат 3:3, кога тимот на Куманово успеа со серија на погодоци да направи прва поосетна предност (7:4) гласеше резултатот после 11.минути игра, за Миленкоска да го намали резултатот на 7:5. До крајот на првиот дел, домашниот тим подобро се снајде на теренот и на одмор се замина со нивно водство од 14:8.

Серијата на Куманово продолжи и во вториот дел, кога противникот се одлепи на највисоки 17:8. Избраничките на Платон ги консолидираа своите редови и со серија од 0:4, со два гола на Миленкоска и по еден на Неделковска и Милевска, да намалат на 17:12 во 42 минута од натпреварот. Вардар се закани на предноста на Куманово, кога најпрво Ѓорѓиевска одбрани зицер удар на противникот, за во напад да погодиме преку Миленкоска за резултат 23:20 во 26.минута. Сепак, Куманово не дозволи да го испушти водството и на крајот славеше со резултат 26:22.

Вардар: Ивана Трифуноска 4, Ива Кимовска 1, Јасмина Попова, Дона Тодоровска 1, Дафина Соколовска, Нина Попова, Нина Неделковска 2, Марија Галачева, Марија Голабоска, Михаела Велјаноска 1, Андреа Илиќ, Сара Богојеска 3, Леона Деметра Франгоска, Леона Миленкоска, Вероника Ѓорѓиевска, Нина Милевска 1.